KRONIKËSTAR CHANNEL
Zjarr në katin e shtatë të një pallati në lagjen “29 Nëntori” në Fier – nuk raportohet për të lënduar
Një zjarr ka rënë pasditen e sotme në një banesë në katin e shtatë të një pallati në lagjen “29 Nëntori” të Fierit. Banorët e pallatit kanë qenë të parët që kanë vënë re flakët dhe tymi që dilte nga banesa, duke njoftuar menjëherë shërbimin zjarrfikës.
Reklama në FieriWeb - “BREGU CLIMA”
Në vendngjarje kanë mbërritur dy automjete zjarrfikëse, të cilat kanë bërë të mundur fikjen e zjarrit në kohë, duke shmangur përhapjen e flakëve në banesat e tjera.
Fatmirësisht nuk raportohet për persona të lënduar. Si pasojë e flakëve, janë shkaktuar vetëm dëme materiale, ku janë djegur disa orendi shtëpiake. Dyshohet se shkak i zjarrit ka qenë një sobë gatimi që është lënë ndezur.
Autoritetet po punojnë për zbardhjen e plotë të rrethanave të ngjarjes.
