Numërohen 1865 qendra votimi/ PS drejt shumicës 84, ja si ndahen mandatet
SHQIPËRI- Në 12 qarqet e vendit vijon procesi i numërimit të votave për zgjedhjet e 11 majit. Sipas rezultateve të bëra publike nga KQZ, deri më tani, janë numëruar 1865 qendra votimi, nga 5225.
PS ka marrë në rang vendi 247759 vota ose 52.33 %, kundrejt 163257 votave të PD-ASHM, 34.48 %
PSD ka marrë 19432 vota, ose 4.10 %, Koalicioni Nisma Bëhet 16049 vota, ose 3.39 % dhe Partia Mundësia,12263 vota ose 2.59 %. Ky rezultat është deri në orën 10:50.
Rezultatet në rang kombëtar në numër votash dhe përqindje:
Partia Socialiste deri tani dominon në 10 qarqe të vendit, me përjashtim të Shkodrës dhe Kukësit.
Sipas projeksioneve të deritanishme, Partia Socialiste ka siguruar 83 mandate, Partia Demokratike 51 mandate, PSD 3 mandate, Nisma Shqipëria Bëhet 1 mandat dhe Mundësia 1 mandat.
