Aksident në Vlorë – Taksia përplas një shtetas amerikan me biçikletë
Një aksident rrugor është shënuar mbrëmjen e së martës, rreth orës 21:10, në rrugën “Dhimitër Konomi” në Vlorë, pranë zonës së njohur si “Palazina”.
Në aksident u përfshi një taksi e kompanisë “Albes”, me qendër në qytetin e Fierit, me targë AE840T, e drejtuar nga shtetasi me inicialet A. L., si dhe një biçiklist shtetas amerikan, rreth 30 vjeç, me inicialet A. S.
Shtetasi amerikan u transportua me urgjencë nga ambulanca në Spitalin Rajonal të Vlorës, ku pas ndihmës mjekësore është konfirmuar se ndodhet jashtë rrezikut për jetën.
Në vendngjarje kanë ndërhyrë forcat e Policisë Rrugore dhe Oficerët e Policisë Gjyqësore, të cilët kanë kryer veprimet procedurale. Testi i alkoolit për drejtuesin e taksisë rezultoi negativ (0.0 mg).
Hetimet janë në vijim për të përcaktuar shkaqet dhe përgjegjësitë e aksidentit.
