KRONIKËSTAR CHANNEL
Aksident i rëndë në Zharrëz, Fier – Dy të plagosur pasi automjetet përfundojnë në kanal
Një aksident i rëndë është shënuar paraditen e sotme në aksin rrugor Fier–Roskovec, pranë zonës së Zharrëzës. Dy automjete janë përplasur me njëra-tjetrën dhe për pasojë kanë përfunduar në një kanal anës rrugës.
Sipas informacioneve paraprake, si pasojë e përplasjes janë plagosur dy persona, të cilët janë transportuar menjëherë drejt spitalit të Fierit për të marrë ndihmë mjekësore. Ende nuk dihet gjendja e tyre shëndetësore.
Reklama në FieriWeb - “PIZZA ITALIA FIER”
Në vendngjarje ndodhen shërbimet e policisë rrugore, të cilat po punojnë për të zbardhur rrethanat dhe shkaqet e aksidentit. Ndërkohë, qarkullimi në segmentin përkatës të rrugës është pjesërisht i vështirësuar.
