Kukës – Abuzim se*sual me të mitur: Arrestohen 4 të rinj, një tjetër në kërkim
Një ngjarje e rëndë është konfirmuar nga Policia e Kukësit, ku pesë të rinj dyshohet se kanë abuzuar seksualisht me një vajzë 15-vjeçare. Katër prej tyre janë arrestuar, ndërsa një tjetër, i mitur 17-vjeç, është shpallur në kërkim.
Sipas burimeve zyrtare nga Policia, në pranga kanë rënë shtetasit:
- A. K., 21 vjeç
- D. M., 23 vjeç
- L. P., 27 vjeç
- R. B., 22 vjeç
Ngjarja dyshohet të ketë ndodhur për një periudhë të zgjatur, për më shumë se gjashtë muaj, ndërkohë që dyshohet se vajza mund të jetë në muajin e dytë të shtatzënisë.
Materialet hetimore janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
Policia lokale po vijon punën për lokalizimin dhe arrestimin e të miturit të shpallur në kërkim, si dhe për dokumentimin e plotë ligjor të ngjarjes që ka shkaktuar reagime të forta në komunitet dhe opinionin publik.
