KRONIKËSTAR CHANNEL
Mallakastër – Arrestohet 58-vjeçari, u kap në parcelën me 77 bimë kanabis
Policia e Mallakastrës ka vënë në pranga një 58-vjeçar gjatë operacionit antikanabis “Koordinata”.
Gjatë kontrolleve në fshatin Visokë, u zbulua një parcelë ku ishin kultivuar 77 bimë të dyshuara narkotike Cannabis Sativa. Një pjesë e bimëve u sekuestrua si provë materiale, ndërsa pjesa tjetër u asgjësua me djegie.
Reklama në FieriWeb - “PIZZA ITALIA FIER”
I arrestuari u kap në flagrancë në parcelë dhe akuzohet për veprën penale “Kultivimi i bimëve narkotike”.
Materialet procedurale i kaluan Prokurorisë së Fierit për veprime të mëtejshme.
Plani operacional “Koordinata” vijon me kontrolle intensive në të gjithë qarkun Fier, për parandalimin dhe goditjen e rasteve të kultivimit të kanabisit.
