LAJM I FUNDIT/ Fier – Dy të plagosur me thikë pas një konflikti, ndodhen në spital nën kujdesin e mjekëve
Rreth orës 21:40 të mbrëmjes së djeshme, në Spitalin Rajonal të Fierit janë paraqitur për ndihmë mjekësore dy persona, shtetasit A.M., 28 vjeç, dhe L.S., të cilët dyshohet se janë plagosur me mjet prerës (thikë) pas një konflikti të ndodhur mes tyre.
Burime nga spitali bëjnë me dije se të dy të plagosurit ndodhen jashtë rrezikut për jetën dhe janë nën kujdesin e stafit mjekësor. Ende nuk janë bërë të ditura shkaqet e konfliktit dhe nëse ngjarja ka përfshirë persona të tjerë.
Në vendngjarje kanë ndërhyrë menjëherë forcat e policisë, të cilat kanë nisur hetimet për sqarimin e plotë të rrethanave dhe identifikimin e të gjithë personave të përfshirë në këtë ngjarje.
Spitali është mbështetur me masa shtesë sigurie, ndërsa grupi hetimor vijon punën intensive për zbardhjen e ngjarjes.
