Humbi jetën pas një aksidenti tragjik në Fier, postimi prekës i 30-vjeçarit për pasionin ndaj motorëve: Të dua, por më premto që s’do më vrasësh!
Gazment Gropa, 30-vjeçari që ndërroi jetë pas aksidentit tragjik të dy ditëve më parë në aksin rrugor Fier-Patos, ishte i apasionuar pas motorëve. Në një postim në rrjete sociale, të bërë 4 vite më parë ai kishte publikuar një imazh të një personi të ‘gjunjëzuar’ përballë një motori.
“Të dua, por më shiko në sy dhe më premto. Nuk do të më vrasësh kurrë!”, shkruhej në foto, duke i ‘folur’ motorit për rrezikut që paraqet. Një mesazh i trishtë, që tani, pas tragjedisë, duket si një paralajmërim i heshtur. Fotoja tregon shumë për pasionin që kishte ai për motorët.
Aksidenti u regjistrua më 19 gusht në aksin rrugor Fier-Patos. 30-vjeçari u dërgua me urgjencë në spital në gjendje të rëndë, por nuk mundi të mbijetonte. Nga aksidenti mbetën të lënduar drejtuesi i automjetit që u përfshi në aksident si edhe pasagjerja.
