Ky është Dalan Alliaj, i cili u ekzekutua mbrëmjen e djeshme në fshatin Gjorm të Vlorës.
Një ngjarje e rëndë tronditi mbrëmjen e djeshme fshatin Gjorm të Vlorës, ku mbeti i vrarë me armë zjarri shtetasi Dalan Alliaj, administrator i kompanisë së njohur “Allidagu”.
Sipas të dhënave zyrtare, autori i dyshuar i krimit është kushëriri i tij, Bertil Alliaj, i cili pas ngjarjes u largua nga vendngjarja, por u arrestua pas një operacioni kërkimi që zgjati rreth 5 orë, me mbështetjen e dronëve dhe forcave speciale të Policisë së Vlorës.
Burime hetimore bëjnë me dije se pista kryesore e hetimit lidhet me konflikte të mundshme familjare dhe ekonomike mes dy kushërinjve. Grupi hetimor, nën drejtimin e Prokurorisë së Vlorës, po vijon punën për zbardhjen e plotë të motivit dhe rrethanave të ngjarjes.
Trupi i pajetë i Dalan Alliaj do të varroset sot, të dielën, në orën 13:00 në Levan të Fierit. Ngjarja ka shkaktuar tronditje të madhe në komunitet, ku Alliaj njihej si biznesmen i qetë dhe administrator i suksesshëm.
