Dh*në, vetë*rasje dhe kanosje në Vlorë dhe Sarandë: Policia referon disa raste në Prokurori
Vlorë/Sarandë – Specialistët për Hetimin e Krimeve në Komisariatin e Policisë Vlorë dhe Sarandë kanë referuar materiale në Prokurori për disa ngjarje të ndodhura ditët e fundit.
Në Vlorë, shtetasi S. D., 33 vjeç, është shpallur në kërkim pasi në lagjen “Hajro Çakëri” ka dëmtuar me mjet prerës në kokë shtetasin K. K., 39 vjeç., i cili ndodhet në spital jashtë rrezikut për jetën. Po në këtë qytet, më 01.11.2025, shtetasi G. M., 51 vjeç., dyshohet se ka vetëdëmtuar veten me thikë në banesën e tij në lagjen “Osman Haxhiu”. Ai humbi jetën si pasojë e plagëve.
Ndërkohë, në Sarandë, policia ka arrestuar shtetasin B. M., 33 vjeç, për kanosje dhe dhunë fizike e psikologjike ndaj bashkëshortes së tij. Po aty, më 01.11.2025, në banesën e tij në Ksamil, shtetasi J. K., 46 vjeç., ka ndërruar jetë, dyshohet për shkaqe natyrale.
Të gjitha materialet janë referuar Prokurorisë për veprime të mëtejshme.
