KRONIKËSTAR CHANNEL
Vlorë – Katër persona nën hetim në Sarandë, zjarr i dyshuar i qëllimshëm në një mobileri
Specialistët për Hetimin e Krimeve në Komisariatin e Policisë Sarandë kanë referuar materiale në Prokurori dhe kanë nisur procedimin penal ndaj disa shtetasve për vepra të ndryshme penale:
- G. M., 39 vjeç dhe F. A., 50 vjeç, të dy banues në Sarandë, u kapën nga shërbimet e Policisë me një sasi lënde narkotike të dyshuar cannabis dhe dy thika, të cilat u sekuestruan në cilësinë e provës materiale.
- I. S., 57 vjeç, banues në Sarandë, procedohet pasi ka bllokuar rrugëkalimin e një automjeti zjarrfikës në rrugën “Telat Noga”.
- O. P., 38 vjeç, banues në Sarandë, është kallëzuar nga shtetasi F. O., 32 vjeç, për thirrje telefonike shqetësuese.
Ndërkohë, në Vlorë, rreth mesnatës, në lagjen “28 Nëntori”, një zjarr i dyshuar i qëllimshëm është vendosur në pjesën e jashtme të një mobilerie në pronësi të shtetasit E. A..
Reklama në FieriWeb - “PIZZA ITALIA FIER”
Si pasojë, është djegur një mobilje pranë vatrës së zjarrit. Grupi hetimor vijon punën për identifikimin e autorit dhe dokumentimin e plotë të ngjarjes.
Materialet i janë referuar Prokurorisë për veprime të mëtejshme procedurale.
