E rëndë – Trup i pajetë i një gruaje gjendet në lumin Shkumbin, dyshohet se …
Rreth orës 19:00 të mbrëmjes, banorët e zonës së Krastës kanë njoftuar policinë pasi kanë vënë re një trup të pajetë në ujërat e lumit Shkumbin.
Në vendngjarje kanë mbërritur menjëherë shërbimet policore dhe zjarrfikëset, ndërsa palombarët nuk kanë mundur të ndërhyjnë menjëherë për shkak të errësirës.
Për nxjerrjen e trupit u angazhuan 7 efektivë zjarrfikës dhe 10 policë, të cilët arritën ta nxjerrin atë nga lumi pas disa orësh kërkimesh.
Sipas burimeve për mediat, viktima është një grua rreth 40 vjeçe, ende e paidentifikuar, që dyshohet se vuante nga probleme të shëndetit mendor.
Trupi është transportuar në morgun e Elbasanit, ndërsa deri më tani asnjë familjar nuk është paraqitur për identifikim.
Policia vijon hetimet për të sqaruar rrethanat e ngjarjes.
