Aksident i rëndë në aksin Fier-Levan, dy të lënduar

Një aksident rrugor ka ndodhur pak minuta më parë në aksin Fier-Levan, pranë vendit të njohur si “Qafa e Koshovicës”. Dy automjete, një tip Volkswagen dhe tjetri tip Opel, janë përplasur me njëra-tjetrën.
Si pasojë e përplasjes së fortë, automjeti tip Opel ka dalë nga rruga, duke u përplasur fillimisht me një shtyllë elektrike dhe më pas me një pemë, e cila është rrëzuar.
Menjëherë pas ngjarjes, në vendngjarje ka mbërritur ambulanca, e cila ka transportuar dy persona të lënduar drejt Spitalit Rajonal të Fierit. Ndërkohë, policia dhe grupi hetimor po punojnë për të zbardhur shkaqet dhe rrethanat e këtij aksidenti.
Fier/Informacion paraprak
Rreth orës 11:40, në vendin e quajtur “Qafa e Koshovicës”, automjeti me drejtues shtetasin E. H., është përplasur me automjetin me drejtues shtetasin P. F.
Si pasojë e përplasjes, janë dëmtuar lehtë dy pasagjere, shtetaset F. H. dhe Sh. H., të cilat kanë shkuar në spital për kryerjen e ekzaminimeve.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.