Aksident i rëndë në aksin Fier – Libofshë, makina përplas motorin, dy persona dërgohen me urgjencë në spital
Një aksident ka ndodhur këtë mbrëmie në aksin rrugor Fier – Libofshë, pranë një karburanti në fshatin Agim, ku një automjet ka përplasur një motor. Si pasojë e përplasjes, drejtuesi i motorit dhe pasagjerja që udhëtonte me të (çift bashkëshortësh) kanë pësuar lëndime dhe janë dërguar me urgjencë në Spitalin Rajonal të Fierit në gjëndje kritike për jetën.
Policia ka mbërritur në vendngjarje për të hetuar shkaqet e aksidentit dhe për të menaxhuar situatën.
Njoftim i Policisë Fier:
Rreth orës 20:20, në aksin rrugor “Fier-Libofshë”, shtetasi D. H., 19 vjeç, duke drejtuar automjetin, ka përplasur një motomjet me drejtues shtetasin A. M., dhe pasagjere shtetasen M. M.
Nga përplasja janë dëmtuar shtetasit që udhëtonin me motomjet, të cilët ndodhen në spital për ndihmë mjeksore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
