KRONIKËSTAR CHANNEL
Aksident i rëndë në aksin Fier-Libofshë: Motoçiklisti plagoset rëndë
Një aksident i rëndë ka ndodhur disa minuta më parë në aksin rrugor Fier-Libofshë në fshatin Petovë. Një automjet tip “Toyota” është përplasur me një motor, duke shkaktuar plagosjen e rëndë të drejtuesit të motomjetit.
I plagosuri është transportuar me urgjencë në Spitalin Rajonal të Fierit, ku ndodhet nën kujdesin e mjekëve. Ndërkohë, policia dhe grupi hetimor kanë mbërritur në vendngjarje dhe po kryejnë veprimet procedurale për të zbardhur shkaqet e aksidentit.
Sipas burimeve, drejtuesi i automjetit është identifikuar si 43-vjeçari Marko Prifti, ndërsa identiteti i të plagosurit ende nuk është bërë i ditur. Hetimet vazhdojnë për të sqaruar rrethanat e ngjarjes.
