AKTUALITETSTAR CHANNEL
Aksident i rëndë në autostradën Tiranë-Durrës, trafiku i bllokuar në Maminas
Një aksident i rëndë ka ndodhur mëngjesin e sotëm në autostradën Tiranë-Durrës, në afërsi të Maminasit, ku dy mjete të tonazhit të rëndë janë përplasur fuqishëm. Si pasojë, njëri prej tyre ka dëmtuar trafikndarësen dhe ka kaluar në korsinë e kundërt, duke shkaktuar bllokim të trafikut në të dy drejtimet.
Policia ka ndërhyrë menjëherë, duke bërë të mundur hapjen e njërës anë të rrugës për qarkullimin e mjeteve. Ndërkohë, ekipet e emergjencës po pastrojnë karrexhatën nga karburanti i derdhur, për të rikthyer normalitetin në lëvizjen rrugore. Drejtuesit e mjeteve këshillohen të tregohen të kujdesshëm gjatë kalimit në këtë segment.
