KRONIKËSTAR CHANNEL
Aksident i rëndë në Fier, i moshuari përplaset për vdekje nga makina te “Zogu i Zi”
Foto nga vendi i ngjarjes
Reklama në FieriWeb
Një aksident tragjik ka ndodhur paraditen e sotme në qytetin e Fierit. Rreth orës 10:00, në vendin e njohur si “Zogu i Zi”, një automjet ka përplasur një këmbësor, i cili për fat të keq ka ndërruar jetë.
Sipas të dhënave paraprake nga Policia, automjeti drejtohej nga shtetasi E. D., 23 vjeç, banues në Fier. Ky i fundit ka përplasur këmbësorin Vasil Furrari, 82 vjeç, i cili si pasojë e plagëve të marra ka humbur jetën.
Drejtuesi i mjetit është shoqëruar në Komisariatin e Policisë Fier, ku po kryhen veprimet procedurale për zbardhjen e plotë të ngjarjes.
Ndërkohë, grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
