Aksident i rëndë në Zvërnec, makina përplas për vdekje drejtuesin e motomjetit
Një aksident me vdekje ka ndodhur mëngjesin e kësaj të marte në rrugën që të çon në fshatin Zvërec në Vlorë.
Një automjet ka përplasur për vdekje drejtuesin e një motomjeti.
Drejtuesi i motomjetit ka ndërruar jetë, ndërsa drejtuesi i mjetit është shoqëruar në polici.
Policia ndodhet në vendin e ngjarjes për sqarimin e rrethanave të ngjarjes.
Vlorë/Informacion paraprak
Në vendin e quajtur “Kryqëzimi i Triportit”, automjeti me drejtues shtetasin N. P. është përplasur me një motomjet me drejtues një shtetas ende të paidentifikuar, rreth 70 vjeç, i cili si pasojë e dëmtimeve të marra, ka humbur jetën në spital.
Drejtuesi i automjetit, shtetasi N. P., është shoqëruar në komisariat, për veprimet procedurale.
Grupi hetimor po kryen veprimet për zbardhjen e plotë të rrethanave të aksidentit, si dhe për identifikimin e drejtuesit të motomjetit.
