AKTUALITETKRONIKË
Aksident me vdekje pranë Gjirit të Lalzit, humb jetën 16-vjeçari
Një ngjarje e rëndë është regjistruar pasditen e së shtunës në aksin Gjiri i Lalzit- Maminas.
Sipas informacioneve një aksident i ka marrë jetën një 16-vjeçari i cili ka qenë pasagjer në mjetin e aksidentuar.
Teksa policia ka mbërritur në vendin e ngjarjes, pritet të zbardhen më tej detaje.
Sipas informacioneve, viktima është identifikuar si Alban Hasrama.
Njoftim i Policisë:
Rreth orës 15:40, në Hamallaj Durrës, automjeti me drejtues shtetasin O. M., 25 vjeç, është përplasur me automjetin me drejtues shtetasin E. K., 20 vjeç.
Si pasojë e përplasjes është dëmtuar shtetasi E.K, i cili ndodhet nën kujdesin e mjekëve dhe ka humbur jetën në spital pasagjeri shtetasi A. H., 16 vjeç, që ndodhej në automjetin që drejtonte shtetasi E. K.
