Aksident në aksin Fier–Cakran, përplasen dy automjete – tre të lënduar, mes tyre një grua shtatzënë
Një aksident rrugor është regjistruar pasditen e sotme në aksin Fier–Cakran, ku dy automjete janë përplasur me njëra-tjetrën. Si pasojë e përplasjes janë lënduar tre persona, mes tyre edhe një grua shtatzënë.
Të plagosurit janë transportuar menjëherë në Spitalin Rajonal të Fierit, ku po marrin ndihmën mjekësore. Sipas burimeve të para, të tre ndodhen jashtë rrezikut për jetën.
Në vendin e ngjarjes ndodhet Policia Rrugore, e cila po kryen veprimet hetimore për zbardhjen e rrethanave të aksidentit.
Fier/Informacion paraprak
Rreth orës 20:30, në vendin e quajtur “Kthesa e Cakranit” automjeti me drejtues shtetasin M. Sh., është përplasur me automjetin me drejtues shtetasin D. Sh.
Si pasojë e përplasjes janë dëmtuar lehtë tre pasagjeret, shtetaset K. C., 25 vjeçe, L. C., 52 vjeçe dhe I. C., 30 vjeçe, të cilat kanë shkuar në spital për të kryer ekzaminimet mjekësore.
Grupi hetimor po punon për sqarimin e plotë të rrethanave dhe shkakut të aksidentit.
