Aksident në aksin Fier–Libofsh, plagoset drejtuesi i motorit
Një aksident rrugor ka ndodhur mëngjesin e sotëm në aksin Fier–Libofsh, pranë repartit të FNSH, ku një motomjet është përplasur nga pas me një automjet tip Opel.
Si pasojë e përplasjes së fortë, drejtuesi i motorit ka mbetur i plagosur dhe është transportuar me ambulancë në Spitalin Rajonal të Fierit për të marrë ndihmën e nevojshme mjekësore. Ende nuk dihet gjendja e tij shëndetësore.
Në vendngjarje kanë mbërritur shërbimet e Policisë Rrugore, të cilat po punojnë për sqarimin e rrethanave dhe shkaqeve të aksidentit.
Autoritetet apelojnë për kujdes të shtuar nga drejtuesit e mjeteve, veçanërisht në këtë aks rrugor, ku shpeshherë janë regjistruar aksidente për shkak të shpejtësisë dhe manovrave të gabuara.
(FieriWeb do të vijojë të sjellë përditësime për këtë ngjarje.)
