AKTUALITETKRONIKËVIDEO
Aksident në aksin Lushnjë-Berat, autoboti që transporton karburant përplaset me një mjet bujqësor, shoferi autobotit mbetet i bllokuar brënda.
Një aksident ka ndodhur në aksin Lushnjë-Berat në Kashtebardh, ku është përfshirë një autobot i mbushur me karburant dhe një mjet bujqësor.
Drejtuesi i automjetit, Petro Piti, ka mbetur i bllokuar, ndërsa siç duket edhe në pamje qytetarët dhanë ndihmë për nxjerrjen e drejtuesit të mjetit, i cili shpëtoi pa dëmtime.
Të dy mjetet kanë qenë duke lëvizur në një drejtim. Dyshimet e para janë që drejtuesi i autobotit nuk e ka vënë re mjetin bujqësor dhe në tentativë për të shmangur përplasjen është përmbysur.
Zjarrfikëset dhe policia ndodhen në vendngjarje, ndërsa rruga është bllokuar pasi është e lagur me karburant.
