Aksident në autostradën Levan-Tepelenë, dy të plagosur dërgohen në Spitalin Rajonal Fier
Në orët e para të mëngjesit të sotëm ka ndodhur një aksident në autostradën Levan-Tepelenë, në zonën e quajtur Varibop.
Dy automjete janë përplasur me njëra-tjetrën, duke shkaktuar lëndime te të dy drejtuesit. Ata janë transportuar me urgjencë në Spitalin Rajonal të Fierit, ku ndodhen jashtë rrezikut për jetën.
Në vendngjarje kanë mbërritur forcat e policisë, të cilat po punojnë për zbardhjen e rrethanave të këtij aksidenti.
Një mjet zjarrfikës dhe shërbimet e emergjencës kanë asistuar për largimin e automjeteve të dëmtuara dhe kthimin e normalitetit në rrugë. Autoritetet apelojnë për kujdes të shtuar nga drejtuesit e automjeteve.
Fier/Informacion paraprak
Mëngjesin e sotëm, në aksin rrugor Levan-Tepelenë, në Varibob, automjeti me drejtues shtetasin E. L., 43 vjeç, banues në Berat është përplasur me automjetin me drejtues shtetasin J. L., 37 vjeç.
Si pasojë e përplasjes, janë dëmtuar të dy drejtuesit e automjeteve dhe ndodhen në Spitalin Rajonal Fier, në kujdesin e mjekëve.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
