Aksident në Autostradën Levan-Tepelenë në Vendin e Quajtur Sheqmusalala
Fier, 27 Korrik 2024 – Një aksident automobilistik ka ndodhur në autostradën Levan-Tepelenë, në vendin e quajtur Sheqmusalala, ku një automjet ka dalë nga rruga. Për pasojë, drejtuesi i mjetit dhe pasagjerja kanë pësuar dëmtime të lehta.
Sipas burimeve policore fierake, në vendngjarje kanë mbërritur forcat e Policisë Rrugore për të përcaktuar shkaqet e aksidentit. Drejtuesi i mjetit, Arqile Pjetri, 73 vjeç, nga Sheqi Madh, Fier, dhe pasagjerja, kunata e tij, Pranvera Bejo, janë dërguar në spitalin rajonal Fier për ndihmë mjekësore.
Pranvera Bejo po merr trajtim mjekësor në spitalin Fier dhe është jashtë rrezikut për jetën. Arqile Pjetri është në gjendje më të mirë shëndetësore se kunata e tij.
Drejtuesi i mjetit ka pohuar se shkaku i aksidentit ishte përgjumja gjatë drejtimit të automjetit, çka ka çuar në humbjen e kontrollit mbi mjetin. Ai theksoi se nuk po udhëtonte me më shumë se 80 km/h dhe se të dy kishin vendosur rripat e sigurimit.
Hetimet për përcaktimin e shkaqeve të sakta të aksidentit janë në vazhdim.
Fieri Web
