KRONIKËSTAR CHANNEL
Aksident në Lushnje, plagoset rëndë drejtuesi i një motori
Një aksident rrugor është regjistruar pak minuta më parë në qytetin e Lushnjes. Ngjarja ka ndodhur në unazën e qytetit, pranë kryqëzimit të fabrikës së miellit.
Në aksident janë përfshirë një automjet dhe një motomjet. Si pasojë e përplasjes, drejtuesi i motorit ka mbetur i plagosur rëndë dhe është transportuar me urgjencë në spital për ndihmë mjekësore.
Reklama në FieriWeb - “PIZZA ITALIA FIER”
Sipas informacioneve paraprake, dyshohet se shkak i aksidentit ka qenë automjeti, i cili ka dalë nga një biznes në anë të rrugës pa respektuar rregullat e qarkullimit rrugor.
Në vendngjarje kanë mbërritur forcat e policisë, të cilat po punojnë për zbardhjen e plotë të rrethanave të aksidentit dhe përcaktimin e përgjegjësive.
