KRONIKËSTAR CHANNEL
Aksident në Rrugën e Kombit, dy persona mbeten të bllokuar në automjet
Një aksident rrugor është regjistruar në segmentin e Rrugës së Kombit, pranë Rubikut, ku një automjet ka dalë nga kontrolli dhe është përfshirë në një përplasje.
Si pasojë e aksidentit, dy persona mbetën të bllokuar brenda automjetit, duke bërë të nevojshme ndërhyrjen e ekipeve të emergjencës, të cilat arritën t’i nxirrnin nga mjeti.
Reklama në FieriWeb - “PIZZA ITALIA FIER”
Të plagosurit kanë pësuar dëmtime, por sipas informacioneve paraprake ndodhen jashtë rrezikut për jetën. Pas dhënies së ndihmës së parë në vendngjarje, ata u transportuan në spital për trajtim të mëtejshëm mjekësor.
Në vendngjarje mbërritën shërbimet e Policisë dhe grupi hetimor, të cilët po punojnë për të zbardhur rrethanat dhe shkaqet e aksidentit.
