Aksident në rrugën Fier-Seman: Dy automjete përplasen, njëri përfundon në kanal, një i lënduar niset me urgjencë drejt spitalit.
Një aksident automobilistik ka ndodhur mesditën e sotme në rrugën Fier-Seman pranë fshatit Fermë Çlirimi, ku dy automjete tip Mercedes-Benz janë përplasur, duke shkaktuar daljen nga rruga të njërës prej tyre, e cila ka përfunduar në kanal.
Si pasojë e përplasjes, një prej drejtuesve të mjeteve ka mbetur i plagosur dhe është transportuar me urgjencë drejt spitalit të Fierit për trajtim mjekësor.
Policia ndodhet në vendngjarje për të kryer hetimet dhe për të përcaktuar shkaqet e aksidentit.
Njoftim i Policisë Fier:
Fier/ Informacion paraprak
Rreth orës 12:00, në aksin rrugor “Fier-Seman”, shtetasi A. D., rreth 69 vjeç, duke drejtuar automjetin është përfshirë në një aksident me një automjet me drejtues shtetasin E. G., rreth 19 vjeç.
Nga përplasja e automjeteve është dëmtuar shtetasi A. D., i cili ndodhet në spital për ndihmë mjeksore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
