KRONIKËSTAR CHANNEL
Aksident tragjik në Suk1, Roskovec, humb jetën 49-vjeçari, një tjetër i plagosur. Policia arreston dy drejtuesit e mjeteve

Një aksident i rëndë ka ndodhur mbrëmjen e djeshme në fshatin Suk 1, Roskovec, ku dy automjete kanë përplasur një tufë bagëtish dhe dy çobanë. Si pasojë, Festim Gllava 49-vjeç ka humbur jetën, ndërsa një tjetër person është plagosur dhe ndodhet nën kujdesin e mjekëve në spital.
Sipas Policisë së Fierit, drejtuesit e mjeteve, shtetasit Q. M. dhe L. M., të dy 24 vjeç dhe banues në Roskovec, janë arrestuar në flagrancë. Ata akuzohen për shkelje të rregullave të qarkullimit rrugor, që çuan në këtë ngjarje tragjike.
Materialet hetimore i janë referuar Prokurorisë së Fierit për veprime të mëtejshme, ndërsa autoritetet vijojnë hetimet për zbardhjen e plotë të rrethanave të aksidentit.