Aksidentoi për vdekje 28-vjeçarin në autostradën Tiranë-Durrës dhe përplasi tre të tjerë, arrestohet drejtuesi 70-vjeçar
Një aksident tragjik është shënuar në orët e para të mëngjesit të së hënës në autostradën “Tiranë-Durrës”, me pasojë vdekjen e 28-vjeçarit Gëzim Muçaj dhe plagosjen e tre pasagjerëve që udhëtonin në mjet me të, Eduart Ripa, Ervin Qira dhe Shkëlqim Doci.
Si ndodhi aksidenti
Fillimisht shoferi Gëzim Muçaj duke drejtuar automjetin, ka humbur kontrollin mbi drejtimin e tij dhe si pasojë automjeti është përplasur me trafikndarësen. Pasi ka dalë nga automjeti, bashkë me 3 pasagjerët për të parë demet e makinës, gjatë kohës që qëndronin në rrugë, ata janë përplasur nga automjeti me drejtues shtetasin Ismail Lace.
Për pasojë, shoferi Gëzim Muçaj ka humbur jetën, ndërsa 3 pasagjerët e automjetit të tij janë dërguar në spital, për mjekim në spitalin e Traumës.
