Aksidentoi policin/ “Detyrim paraqitje” për 21-vjeçarin: Më doli përpara papritur, nuk e pashë
Gjykata e Tiranës ka caktuar masën e sigurimit personal “detyrim paraqitje për Rei Bitrin, 21-vjeçarin që aksidentoi në orët e para të mëngjesit të së enjtes një punonjës policie.
Gjatë zhvillimit të seancës, 21-vjeçari ka pretenduar se punonjësi i policisë i ka dalë përpara papritur dhe se nuk e kishte parë.
Ndërkohë Prokuroria e Tiranës është duke pritur rezultatet e ekspertizës nga spitali ku po mjekohet efektivi i policisë. Po ashtu, në sallë përballë gjykatës është pretenduar se paraprakisht efektivi ka dëmtime të lehta dhe ndodhte jashtë rrezikun për jetën.
Prokuroria e Tiranës ka marrë edhe dëshmitë e dy efektivëve të tjerë të policisë të cilët kanë qënë në shërbim në rrugën “Xhanfize Keko” në momentin kur ka ndodhur edhe aksidenti.
Rei Bitri ka qenë duke udhëtuar me mjetin e tij privat, kur efektivi i ka udhëruar që të hapë krahun ky ka qenë dhe moment kur 21-vjeçari e ka aksidentuar duke e lënduar në këmbë policin.
