“Aleanca për Shqipërinë Madhështore”, PD shkon në zgjedhje me 25 parti të tjera, dërgohet në KQZ kërkesa për regjistrim
“Partia Demokratike-Aleanca për Shqipërinë Madhështore” ka çuar kërkesën për t’u regjistruar si subjekt zgjedhor në KQZ.
Partia më e madhe opozitare në vend do të jetë zyrtarisht pjesë e një koalicioni në zgjedhjet e 11 majit, i cili do të ketë 25 parti.
Është dashur fundi i afatit për shpalljen e koalicioneve parazgjedhore, që demokratët të arrinin akordin përfundimtar me aleatët dhe të dilnin me këtë propozim për zgjedhjet e përgjithshme, duke e dorëzuar në Komisionin Qendror të Zgjedhjeve pak minuta para përfundimit të afatit.
Partia më e madhe opozitare në vend, me në krye Sali Berishën shkon në zgjedhjet parlamentare të 11 Majit në koalicion me 25 parti të tjera, si më poshtë:
– Partia e Lirisë, përfaqësuar nga Ilir Meta.
-Partia Republikane, përfaqësuar nga Kryetari Fatmir Mediu.
-Partia Demokristiane, përfaqësuar nga Kryetari Nard Ndoka.
-Partia Bashkim për të Drejtat e Njeriut, përfaqësuar nga Kryetari Vangjel Dule.
-Partia Agrare Ambientaliste e Shqipërisë përfaqësuar nga Kryetari Agron Duka.
-Partia Kombëtare Konservatore Albania, përfaqësuar nga Kryetari Kujtim Gjuzi.
-Partia Emigracioni Shqiptar, përfaqësuar nga Kryetari Kostaq Papa.
-Partia Aleanca Arbnore Kombëtare, përfaqësuar nga Kryetari Gjet Ndoj.
-Partia Aleanca Europiane Ekologiike përfaqësuar nga Kryetari Sazan Guri.
-Partia Personat me Aftësi të Kufizuar, përfaqësuar nga Kryetari Gjovalin Shqalshi.
-Partia Lëvizja Demokratike për Ndryshim, përfaqësuar nga Kryetari Nikolin Staka.
-Partia Lëvizja e Legalitetit, përfaqësuar nga Kryetari Shpëtim Axhani.
-Partia Bashkimi Demokrat Shqiptar, përfaqësuar nga Kryetari Ylber Valteri.
-Partia Ora e Shqipërisë, përfaqësuar nga Kryetari Zef Shtjefni.
-Partia Lidhja Demokristiane Shqiptare, përfaqësuar nga Kryetari Mhill Gecaj.
-Partia Kristian Demokrate e Shqipërisë, përfaqësuar nga Kryetari Dhimitër Muslia.
-Partia Fryma e Re Demokratike, përfaqësuar nga Kryetari Sali Shehu.
-Partia Bashkimi Liberal Demokrat, përfaqësuar nga Kryetari Arian Starova.
-Partia Balli Kombëtar Shqiptar, përfaqësuar nga Kryetari Adriatik Alimadhi.
-Partia Balli Kombëtar Demokrat, përfaqësuar nga Kryetari Artur Roshi.
-Partia Bashkimi Popullor i Pensionistëve Shqiptarë përfaqësuar nga Kryetari Selami Jenishehri.
-Partia për Europianizim dhe Integrimin e Shqipërisë, përfaqësuar nga Kryetari Rivelino Çuno.
-Partia Rruga e Vërtetë Shqiptare, përfaqësuar nga Kryetari Muharrem Doda.
-Partia Aleanca e Maqedonasve për Integrimin Europian, përfaqësuar nga Kryetari Vasil Sterjovski.
-Partia për Drejtësi, Integrim dhe Unitet, përfaqësuar nga Kryetari Shpëtim Idrizi.
Koalicioni PD-ASHM mban logon e Partisë Demokratike (forca udhëheqëse), ndërsa në shkresë thuhet se ky bashkim forcash vjen për t’i sjellë ndryshimin e shumëpritur Shqipërisë, gjë që përcillet direkt dhe përmes emrit që mban.
