Anëtar i një organizate kriminale në Itali, arrestohet 19-vjeçari Zyber Zyka i shpallur në kërkim ndërkombëtar në Fier
Shtetasi Zyber Zyka i shpallur në kërkim ndërkombëtar nga Italia është arrestuar këtë të diel në Fier.
19-vjeçari akuzohet nga autoritete italiane për pjesëmarrje në një organizatë kriminale që trafikonte lëndë narkotike.
Arrestimi i tij u krye në kuadër të ekstradimit drejt Italisë. Ndaj këtij shtetasi Gjykata e Riminit i ka caktuar masën e sigurisë “Arrest në burg”.
Njoftimi:
Operacioni policor i koduar “Operacionalja 59”, vë në pranga një tjetër të kërkuar nga autoritetet italiane.
Kapet në Fier, 19-vjeçari, Zyber Zyka, i akuzuar në Itali, për pjesëmarrje në organizatë kriminale që trafikonte lëndë narkotike.
Në vijim të operacioneve të njëpasnjëshme për kapjen e shtetasve të shpallur në kërkim ndërkombëtar, strukturat e Drejtorisë së Forcës së Posaçme Operacionale në DPPSh finalizuan operacionin e radhës, të koduar “Operacionalja 59”.
Gjatë këtij operacioni, u kap në Fier dhe u arrestua me qëllim ekstradimin në Itali, shtetasi Z. Z., 19 vjeç, lindur dhe banues në fshatin Cukalat, Berat.
Ky shtetas ishte shpallur në kërkim ndërkombëtar nga Interpol Roma, pasi Gjykata e Riminit i ka caktuar masën e sigurisë “Arrest në burg”, për pjesëmarrje në organizatë kriminale që trafikonte lëndë narkotike. Maksimumi i dënimit është 10 vjet burgim.
Interpol Tirana vijon procedurat, në bashkëpunim me autoritetet italiane, për ekstradimin e këtij shtetasi.
