Ansambli “Myzeqeja” mahnit Kosturin. Shtypi grek nuk resht së shkruari për Ansamblin Shqiptar
Shtypi grek i Kosturit nuk resht së shkruari për Ansamblin “Myzeqeja”, i cili mori pjesë në Festivalin Ballkanik të Valles Tradicionale.
Valltarët e Ansamblit janë cilësuar prej grekëve si “fluturat e Fierit”, pasi prezantimi i ansamblit “Myzeqeja” befasoi vendasit me vallet tradicionale, këngët e bukura qytetare dhe me veshjet tradicionale.
Shoqëria Folklorike “ARGESTAI” e Argos Orestikos, P.E. Kastoria dhe Bashkia e Argos Orestikos, mbajti një festival dy ditor të shtunën dhe të dielën, më 2 dhe 3 Shtator, me pjesëmarrjen e grupeve folklorik, dy nga Shqipëria, dy nga Drama dhe gjashtëmbëdhjetë grupe fëmijësh nga rajoni. Maqedonia Perëndimore.
Një numër i madh njerëzish morën pjesë në aktivitetin, i cili u zhvillua nën tingujt e orkestrës HALKINOMANIA, në parkun e ri të qytetit Argos Orestikos.
