Apel urgjent: Gledi, operatori nga Fieri në gjendje të rëndë, kërkohet ndihmë për trajtim mjekësor
Tiranë – Gledi Hoxhallari, një gazetar dhe operator i njohur nga qyteti i Fierit, ndodhet në gjendje të rëndë shëndetësore pas një ngjarjeje të rëndë që i ka ndryshuar jetën. Ai u plagos rëndë nga i dashuri i ish-bashkëshortes së tij, në prani të djalit të tyre 9-vjeçar. Aktualisht, Gledi po lufton për jetën në spitalin e traumës ku deri tani ka kryer 3 ndërhyrje kirurgjikale, 2 tek trauma dhe të fundit tek Spitali Privat Amerikan 3, ndërsa familja e tij nuk ka mundësi të mbulojë shpenzimet e trajtimit të specializuar që ai kërkon.
Situata e tij është bërë edhe më e rëndë pasi ish-bashkëshortja e tij e ka braktisur atë dhe djalin e tyre në këtë moment kritik. Tashmë, fëmija i vogël ka mbetur pa kujdesin e nënës dhe rrezikon të humbasë edhe të atin.
Për këtë arsye, miqtë dhe familjarët e Gledit kanë nisur një fushatë solidariteti, duke bërë thirrje për ndihmë financiare. Çdo kontribut, sado i vogël, mund të ndihmojë në sigurimin e trajtimit të nevojshëm për të shpëtuar jetën e tij dhe për të garantuar një të ardhme për djalin e tij të vogël.
Ata që dëshirojnë të ndihmojnë, mund të kontribuojnë përmes linkut të mëposhtëm:
Gjithashtu, ata që nuk kanë mundësi të ndihmojnë financiarisht, mund të kontribuojnë duke shpërndarë këtë apel për të arritur sa më shumë njerëz.
Solidariteti ynë mund të bëjë ndryshimin!
