Arratisja e Daut Lazes nga burgu i Shënkollit/ 1 ditë para komunikoi në telefon me një person, bastisen disa banesa dhe xhami
Teksa bëhen 1 javë nga arratisja e Daut Lazes nga burgu i Shënkollit në Lezhë, policia e shtetit ende nuk ka rënë në gjurmë të tij.
Burime për gazetarin e Ora News Edison Vatnikaj bejmë më dije se deri më tani janë kontrolluar disa ambiente, banesa dhe xhami.
Nga vëzhgimi nuk është arritur sigurimi i proves për gjetjen e tij.
Një tjetër pikë ku janë orientuar kontrollet janë edhe mbi personat që e kanë takuar në burg apo kanë komunikuar me të.
Të njejta burime shtojne se një ditë para arratisjes Laze ka folur në kabinën telefonike me një person që policia e ka verifikuar por pa rezultat.
Nga kamerat e sigurisë rezulton se Daut Laze ka lënë ambientet e spitalit të burgut të Shënkollit dhe nëpërmjet një dere të vendosur në mur ka kapërcyer telat me gjemba.
Nga kontrolli i dhomës së Lazes mungojnë disa libra për të cilën dyshohet që i ka marr gjatë arratisjes.
