Arrestimi i Veliajt, Rama vizitë ‘blic’ në Bashkinë e Tiranës, takim me nënkryetarët
Kryeministri Edi Rama ka qenë në Bashkinë e Tiranës, ku ka takuar nënkryetarët e këtij institucioni.
Takimi vjen pas arrestimit me kërkesë të SPAK, të kryebashkiakut Erion Veliaj.
Ndërkaq, këtë të martë, kreu i qeverisë ka reaguar për herë të parë për arrestimin ndaj Veliajt.
“Marrja e Kryetarit të Bashkisë së Tiranës nga puna për ta mbyllur pa gjyq në qeli, duke lënë një kryeqytet të tërë pa kokën që i kanë vënë mbi shpatulla çerek milion zgjedhësh, jo një here, por tre herë, por po marrim aktualisht, – është një ngjarje tejet e madhe, të cilën unë nuk mund ta kaloj me formulën 5-vjecare “Nuk kam koment, nuk kam koment”, tha Rama në një komunikim live me ndjekësit në rrjetet sociale.
Rama shtoi se drejtësia e re ka hyrë në një fazë që ka të gjithë mbështetjen e Partisë Socialiste, mirëpo duhet të thuhen edhe opinionet kritike.
