Arrestohet “heroi” që shpëtoi të moshuarit nga djali që i vuri flakën shtëpisë në Fier, dhunoi xhaxhanë gjatë debatit
Romeo Mersini, 29-vjeçari që shpëtoi çiftin e të moshuarve disa javë më parë nga flakët në Fier është vënë në prangat e policisë.
Mersini është konfliktuar me xhaxhanë e tij për motive të dobëta dhe debati ka degraduar në përdorimin e sendeve të forta nga ana e 29 vjeçarit.
Ndërkohë në pranga ka rënë edhe vëllai i tij me iniciale M. Mersini, 32 vjeç pasi ka goditur me sende të forta Romeon.
“Specialistët për Hetimin e Krimeve të Komisariatit të Policisë Fier arrestuan shtetasin R. M., 29 vjeç, banues në Fier, pasi për motive të dobëta ka goditur me sende të forta xhaxhain e tij. Për këtë rast u arrestua edhe shtetasi M. M., 32 vjeç, pasi ka goditur me sende të forta vëllanë e tij, shtetasin R. M.”, njofton policia.
Kujtojmë që pak ditë më parë në një banesë në lagjen “15 Tetori” u përfshi nga flakët ndërsa brenda ishin dhe një çift të moshuarish. Ishte djali i të moshuarve që i vuri flakën shtëpisë me qëllim vrasjen e prindërve të tij.
Gjykata e Rrethit Gjyqësor Fier vendosi “Shtrim të detyruar në spitalin psikiatrik” për 42-vjeçarin Altjon Sulejmanaj, i arrestuar pasi tentoi të vriste prindërit e tij të moshuar, Shaqir dhe Selfixhe Sulejmanaj.
