Asamble e zgjeruar e PS në Roskovec, Belinda Balluku thekson rienergjizimin e strukturave
Asambleja e zgjeruar e Partisë Socialiste është zhvilluar në Roskovec, në prani të Drejtueses Politike të PS për qarkun Fier, Belinda Balluku.
Gjatë takimit u bë një analizë e rezultateve të zgjedhjeve të fundit, ndërsa u theksua nevoja për një proces të ri rienergjizimi të strukturave në çdo nivel, me synim përballimin me sukses të sfidave të ardhshme elektorale.
Në fjalën e saj, Balluku u ndal te rëndësia e komunikimit të drejtpërdrejtë me qytetarët dhe vijimit të takimeve në terren në të gjithë qarkun Fier. Ajo theksoi se puna do të fokusohet në dëgjimin e çdo zëri, prezantimin e arritjeve dhe diskutimin e hapur për projektet dhe objektivat e së ardhmes.
Sipas saj, vetëm përmes bashkëpunimit me qytetarët mund të ndërtohet më shumë dhe më mirë për zhvillimin e mëtejshëm të zonës dhe për një rezultat edhe më bindës në zgjedhjet e ardhshme.
