Atentati me shënjestër Hajrullën, i plagosur edhe shitësi i një dyqani, e kapën plumbat gabimisht
Vlorë – Mbrëmjen e sotme, rreth orës 21:30, në lagjen “24 Maji”, janë plagosur me armë zjarri dy persona. Sipas informacioneve paraprake, shtetasi K. H., rreth 30 vjeç, i cili udhëtonte me një automjet tip “Benz”, është qëlluar në rrethana ende të paqarta.
Gjatë të shtënave është plagosur edhe shtetasi A. S., 35 vjeç, i cili ndodhej pranë vendit të ngjarjes. Të dy të plagosurit janë transportuar me urgjencë në Spitalin Rajonal të Vlorës dhe ndodhen nën kujdesin e mjekëve.
Në vijim të hetimeve, Policia ka lokalizuar pranë fshatit Panaja një automjet të dyshuar si mjetin e përdorur nga autorët, i cili ishte përfshirë nga flakët. Po punohet për shuarjen e zjarrit dhe mbledhjen e provave.
Shërbimet policore dhe grupi hetimor ndodhen në vendngjarje dhe po punojnë intensivisht për zbardhjen e rrethanave dhe identifikimin e autorëve.
Vlorë/ Informacion paraprak
Mbrëmjen e sotme, rreth orës 21:30, në lagjen “24 Maji”, Vlorë, në rrethana ende të paqarta, është plagosur me armë zjarri shtetasi K. H., rreth 30 vjeç, i cili udhëtonte me një automjet tip “Benz”. Si pasojë e të shtënave, është plagosur me armë zjarri edhe shtetasi A. S., 35 vjeç, i cili ndodhej në afërsi në momentin e ngjarjes.
Të dy personat janë transportuar menjëherë në Spitalin Rajonal Vlorë dhe ndodhen nën kujdesin e mjekëve.
Gjatë krehjes së zonës në afërsi të fshatit Panaja, është bërë i mundur lokalizimi i automjetit të dyshuar të përdorur nga autorët, i cili është përfshirë nga flakët. Po punohet për shuarjen e zjarrit.
Shërbimet e Policisë kanë mbërritur menjëherë në vendngjarje dhe po punojnë intensivisht për identifikimin dhe kapjen e autorit/autorëve të dyshuar.
Grupi hetimor po vijon punën për zbardhjen e rrethanave të plota të ngjarjes.
