KRONIKËSTAR CHANNEL
Automjeti ka goditur disa mjete të tjera të parkuara dhe më pas është përmbysur në rrugë.
Një aksident rrugor u regjistrua mbrëmjen e së shtunës në lagjen nr. 4 të qytetit të Sarandës, pranë stadiumit të futbollit, ku një automjet, që dyshohet të jetë drejtuar nga një shtetas i huaj, ka humbur kontrollin dhe është përmbysur në rrugë,
Sipas raportimeve paraprake, automjeti ka goditur disa mjete të parkuara dhe në lëvizje përpara se të përfundonte i përmbysur.
Reklama në FieriWeb - “PIZZA ITALIA FIER”
Fatmirësisht, nuk raportohet për persona të lënduar, ndërsa dëmet materiale janë të konsiderueshme.
Në vendngjarje kanë ndërhyrë menjëherë shërbimet e policisë, të cilat kanë bërë këqyrjen e vendit dhe po hetojnë për zbardhjen e plotë të rrethanave të aksidentit.
Sipas njoftimit zyrtar, drejtuesi i automjetit nuk ka qenë nën efektin e alkoolit.
