Bie në humnerë “Range Rover-i”,humb jetën një person dhe lëndohet një tjetër
Një ngjarje e rëndë ka ndodhur në Tiranë, në mesnatë. Një mjet luksoz tip “Range Rover” ka rënë në humnerë në fshatin Fortuzaj dhe për pasojë ka vdekur pasagjeri që ndodhej në të.
Ky shtetas ende nuk është identifikuar nga Policia e Tiranës, ndërsa shoferi është plagosur dhe ndodhet në spital nën kujdesin e mjekëve.
Grupi hetimor ka shkuar menjëherë në vendngjarje dhe po punon për sqarimin e rrethanave të aksidentit.
Tiranë/Informacion paraprak
Më datë 21.07.2023, në fshatin Fortuzaj, ka rënë në humnerë një mjet tip “Range Rover” në të cilin ndodheshin shtetasi D. Ç., 33 vjeç, dhe një shtetas tjetër ende i paidentifikuar.
Si pasojë shtetasi D. Ç., 33 vjeç, është dëmtuar dhe ndodhet në spital, ndërsa shtetasi tjetër ka humbur jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
