KRONIKËSTAR CHANNEL
Bie në kontakt me rrymën elektrike, ndërron jetë punonjësi i internetit
Një ngjarje e rëndë ka ndodhur sot më 9 nëntor, në lagjen “Salo Halili” të Shkodrës.
Një punonjës i një kompanie interneti ka humbur jetën gjatë punës.
Reklama në FieriWeb - “PIZZA ITALIA FIER”
Sipas informacioneve paraprake, shtetasi A. F., 38 vjeç, dyshohet se ka rënë në kontakt me energjinë elektrike, teksa po punonte në një shtyllë elektrike për riparimin e një kablli interneti.
Njoftimi i policisë:
Shkodër/Informacion paraprak
Rreth orës 10:25, në lagjen “Salo Halili”, shtetasi A. F., 38 vjeç, (punonjës i një kompanie interneti), dyshohet se duke punuar në një shtyllë elektrike për riparimin e një kablli interneti, ka rënë në kontakt me energjinë elektrike dhe si pasojë, ka humbur jetën.
Grupi hetimor po punon për sqarimin e rrethanave të ngjarjes.
