KRONIKË
Çështja “Gërdeci”, Shkëlzen Berisha mbërrin në GJKKO
Shkëlzen Berisha ka mbërritur në Gjykatën e Posaçme për të dëshmuar në gjyqin ndaj Fatmir Mediut për dosjen “Gërdeci”. Berisha nuk ka folur për gazetarët por u tha atyre se do të flas pasi të përfundojë dëshminë e tij në Gjykatën e Posaçme.
Ai duhet të dëshmojë në lidhje me faksin që ish-ministri Aldo Bumçi i ka dërguar atëherë Fatmir Mediut me shënimin “për Shkëlzen Berishën”.
Kujtojmë se ish-ministri i Mbrojtjes, Fatmir Mediu është vënë nën akuzë nga SPAK për çështjen “Gërdeci”, ku nga shpërthimi i ndodhur në fabrikën e municioneve atje, humbën jetën 26 persona.
Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.
