Çmenduri në rrugët e Ish-Bllokut, makina ‘fluturon’ me 180km/h (VIDEO)
Në një kohë që aksidentet rrugore po marrin thuajse çdo ditë jetë njerëzish, ndërgjegjësimi për këtë duket se vazhdon të jetë në nivele të ulëta.
Shkaqet e aksidenteve janë nga më të ndryshmet, duke nisur që nga rrugët pa standard, mungesa e sinjalistikës apo tejkalimi i shpejtësisë.
Së fundmi një video në përmasat e skandalit eshte shperndare nga faqja “AKSIDENTE_RRUGORE”, ku një i ri shihet duke ecur me shpejtësi “skëterrë” prej 180 km/h në zonën e ish-Bllokut në kryeqytet.
Vihet re se në korsinë tjetër qarkullojnë automjete si dhe këmbësorë në trotuar apo që duan të kalojnë në krahun tjetër të rrugës.
Rasti duket vërtetë serioz, pasi një shpejtësi e tillë në një zonë të banuar dhe ku lëvizja e njerëzve është e madhe, mund të bëhet shkak për ndonjë aksident të mundshëm tragjik. Pritet që autoritetet të marrin masa.
