Corona virus: Ilaçi në shtëpi që mbron nga sëmundjet e rënda
Një ilaç shtëpiak që është ndjekur prej vitesh për t’ju ndihmuar të shëroheni më shpejt nga ftohja e zakonshme duket të jetë po aq efektiv në parandalimin e sëmundjeve të rënda nga koronavirusi.
Pas efektit parandalues të solucioneve orale kundër koronavirusit, një përfundim i arritur nga studime të ndryshme, një hulumtim më i ri dëshmon se edhe një lëvizje më e thjeshtë mund të konsiderohet po aq e rëndësishme në parandalimin e sëmundjeve të rënda.
Më konkretisht, larja e gojës dhe e hundës me ujë të kripur te pacientët që janë të sëmurë me koronavirus mund të zvogëlojë shanset që shëndeti i tyre të përkeqësohet dhe të shtrohen në spital . Studimi që arriti në këtë përfundim u prezantua në konferencën vjetore të Kolegjit Amerikan të Alergjisë, Astmës dhe Imunologjisë (ACAAI) dhe ekzaminoi efektin e gargarave me kripë dhe larjes korresponduese të hundës në simptomat dhe normat e shtrimit në spital në pacientët me Covid-19.
Ai zbuloi se normat e shtrimit në spital për njerëzit që bënin gargarë ose lanë hundët me kripë, ishin deri në 40% më të ulëta , krahasuar me pacientët që nuk ndoqën asnjë ndërhyrje.
Dr. Jimmy Espinoza, autor i studimit dhe profesor i obstetrikës, gjinekologjisë dhe shërbimeve riprodhuese në Universitetin e Teksasit, tha se qëllimi ishte të shihej nëse gargarat dhe larjet e hundës mund të përmirësonin simptomat e frymëmarrjes të lidhura me koronavirusin. ” Ne zbuluam se të dy regjimet e kripës duket se lidhen me shkallë më të ulët të shtrimit në spital në lidhje me infeksionet Sarc-Cov-2, krahasuar me grupin e kontrollit, ” vuri në dukje ai.
