Departamenti Amerikan i Shtetit publikon në faqen zyrtare detyrën që mban aktualisht Yuri Kim, ish-ambasadore e SHBA në Shqipëri
Departamenti Amerikan i Shtetit ka publikuar në faqen zyrtare detyrën që mban aktualisht, Yuri Kim, e cila është emëruar si Këshilltare e Lartë për Efiçencë dhe Përgjegjësi për Byronë e Çështjeve Evropiane dhe Euroaziatike, publikim që mban datën 1 mars 2025.
Më herët ambasadorja Kim ishte Zëvendës Ndihmës Sekretare Kryesore e Byrosë nga viti 2023 deri në vitin 2025.
Një diplomate karriere, Ambasadorja Kim ka punuar në sfidat kryesore të politikës së jashtme dhe sigurisë kombëtare në Evropë, Azi dhe Lindjen e Mesme. Ajo ka qenë ambasadorja e SHBA-së në Republikën e Shqipërisë nga viti 2020 deri në vitin 2023, e propozuar nga Presidenti Trump dhe e rikonfirmuar edhe nën Presidentin Biden.
Para kësaj, ajo ishte drejtore e Çështjeve të Evropës Jugore, përgjegjëse për Turqinë, Greqinë, Qipron dhe rajonin më të gjerë të Mesdheut Lindor; drejtore e Qendrës për Studimin e Sjelljes së Diplomacisë; dhe drejtore e Zyrës së Sigurisë Evropiane dhe Çështjeve Politiko-Ushtarake, përgjegjëse për NATO-n dhe Organizatën për Siguri dhe Bashkëpunim në Evropë (OSBE).
“Ajo ishte Shefe e Shtabit të Zëvendës Sekretarit të Shtetit dhe, më herët në karrierën e saj, një Asistente Speciale e Sekretarit Colin Poëell. Ajo ishte gjithashtu anëtare e delegacionit të SHBA në Bisedimet Gjashtëpalëshe për çështjen bërthamore të DPRK”, thuhet në faqen zyrtare të DASH.
