Divjakë – Arrestohet 70-vjeçari për dhunë në familje dhe armëmbajtje pa leje
Një ngjarje e rëndë është shënuar në fshatin Ferras të Divjakës, ku një 33-vjeçar ka denoncuar në polici dhunën fizike të ushtruar ndaj tij nga babai i tij. Menjëherë pas denoncimit, shërbimet e Komisariatit të Policisë Divjakë kanë ndërhyrë në banesën ku ndodhi ngjarja dhe kanë arrestuar autorin, shtetasin Mursel Myftaraj, 70 vjeç.
Gjatë kontrollit të banesës së tij, policia zbuloi një sasi të konsiderueshme armësh dhe municionesh të mbajtura pa leje, konkretisht:
- 1 granatë,
- 119 kapsolla detonatore,
- 138 fishekë,
- 9 karikatorë.
Të gjitha këto u sekuestruan si prova materiale. Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier për veprime të mëtejshme.
Hetimet vijojnë për të zbardhur burimin e municioneve dhe qëllimin e posedimit të tyre.
