Divjakë/ Kapet 19-vjeçari duke shpërndarë kanabis, pasagjeri procedohet për lojëra fati
Policia e Divjakës, në kuadër të megaoperacionit “Tempulli”, ka arrestuar një 19-vjeçar me inicialet S.K., banues në fshatin Gërmenj i Madh, Divjakë, për shpërndarje të kanabisit. Gjatë kontrollit në automjetin që ai drejtonte, u zbuluan doza kanabisi të gatshme për shitje. Një kontroll i mëtejshëm në banesën e tij çoi në sekuestrimin e sasisë së mëtejshme të lëndës narkotike.
Gjithashtu, një 18-vjeçar me inicialet A.Z., pasagjer në automjet, u procedua penalisht pasi në celularin e tij u zbuluan faqe për organizimin e lojërave të fatit. Policia ka sekuestruar lëndën narkotike, automjetin dhe 5 celularë si provë materiale. Materialet i janë referuar Prokurorisë për hetime të mëtejshme.
Njoftim i DVP Fier: Divjakë/Vijon megaoperacioni “Tempulli”.
Shiste doza kanabisi në qytetin e Divjakës, kapet në flagrancë ndërkohë që drejtonte automjetin dhe vihet në pranga 19-vjeçari.
Sekuestrohen dozat e kanabisit që u gjetën në automjet dhe në banesën e tij.
Procedohet penalisht pasagjeri në automjet, për organizim të lojërave të fatit, me celular.
Komisariati i Policisë Divjakë, në bashkëpunim me Sektorin për Hetimin e Narkotikëve të DVP Fier, nga kontrollet e vazhdueshme për goditjen e veprimtarisë kriminale në fushën e prodhimit dhe shitjes së narkotikëve, në kuadër të megaoperacionit “Tempulli”, ka goditur një tjetër rast.
Për këtë rast, u arrestua në flagrancë shtetasi shtetasi S. K., 19 vjeç, banues në fshatin Gërmenj i Madh, Divjakë, i cili u kap në flagrancë duke drejtuar një automjet, në të cilin, gjatë kontrollit, shërbimet e Policisë gjetën lëndë narkotike kanabis të gatshme për shitje. Gjithashtu, gjatë kontrollit në banesën e këtij shtetasi, shërbimet e Policisë gjetën doza të lëndës së dyshuar narkotike cannabis sativa, gati për shitje.
Në vijim të veprimeve për këtë rast u referuan materialet në Prokurori ku nisi procedimi në gjendje të lirë për shtetasin A. Z., 18 vjeç, pasagjer në automjetin që drejtonte shtetasi S. K., pasi gjatë këqyrjes së aparatit të tij celular, iu gjetën faqe për organizimin e lojërave të fatit.
Në cilësinë e provës materiale u sekuestruan lënda narkotike, automjeti dhe 5 celularë.
Materialet procedurale i kaluan Prokurorisë, për veprime të mëtejshme.
