KRONIKË
DVP Fier/ Vihen në pranga 2 shtetas, për vepra të ndryshme penale.
Specialistët e Sektorit të Qarkullimit Rrugor të DVP Fier arrestuan në flagrancë shtetasin E. T., 40 vjeç, banues në Divjakë, pasi është konstatuar nga shërbimet e Policisë duke drejtuar në gjendje të dehur, automjetin.
Specialistët për Hetimin e Krimeve të Komisariatit të Policisë Divjakë arrestuan në flagrancë shtetasin A. M., 34 vjeç, banues në Grabian, pasi për motive të dobëta, ka goditur dhe dëmtuar në kokë shtetasin F. K., 63 vjeç, i cili ndodhet në spital, në kujdesin e mjekëve.
Në vijim të informacionit të dhënë më datë 04.07.2023, për largimin nga banesa të shtetases D. Sh., 25 vjeçe, ju informojmë se është bërë e mundur gjetja e kësaj shtetaseje. 25-vjeçarja është në gjendje të mirë shëndetësore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
