KRONIKËSTAR CHANNEL
Dy arrestime në Lushnjë: Dhunë në familje dhe drejtim automjeti në gjendje të dehur
Lushnjë – Policia e Lushnjës ka kryer dy arrestime në flagrancë gjatë 24 orëve të fundit, në kuadër të luftës kundër dhunës në familje dhe shkeljeve të rregullave të qarkullimit rrugor.
Specialistët për Hetimin e Krimeve arrestuan shtetasin P. T., 37 vjeç, banues në fshatin Lifaj, pasi dyshohet se ka ushtruar dhunë fizike ndaj motrës së tij.
Ndërkohë, nga specialistët e Sektorit të Qarkullimit Rrugor është arrestuar shtetasi J. V., 22 vjeç, banues në Lushnjë, pasi është kapur duke drejtuar mjetin në gjendje të dehur.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme hetimore.
